August 18, 2002
Hallo almal,
Ek
sien vandag dat ek 6 maande gelede ‘n brief geskryf het…..hmmm, ek was ‘n
bietjie besig gewees. Noudat die
laaaannnggg somer vakansie op ‘n einde is, begin ons weer met die ou roetine. Die skole begin weer Dinsdag, 20
Augustus. Ek moet bysę dat dit die
langste en lekkerste vakansie ooit was.
Ek dink die kinders het dit ook baie geniet en ons is nou almal reg om
terug te gaan skooltoe.
Die
kinders doen nog steeds karate en hulle is nou blou belde. Ons het ingeskryf tot die einde van die jaar,
dan sal ons van daar af moet besluit of die twee aangaan of nie. Hier is hulle in hulle blou belde. Op die tafel kan julle die Gladiolas
sien. Dit is bolle wat hierdie jaar in
ons tuin gegroei het. Hulle is vreeslik
mooi.
Ek het ook vir Christo ingskryf vir die sokker seisoen. Hy wil vreeslik graag sokker speel, die
seisoen is van Augustus tot November.
Hulle oefen 2 keer ‘n week en naweke speel hulle wedstryde. Hy geniet dit sommer baie en hy kry ook
lekker oefening. Die vakansie het hy ‘n
sokkerkamp gedoen, en hier is ‘n foto van die sokkerkamp. Christo sit bo-op sy bal. Hy het sulke lang groen sokkies aan. Onder die sokkies het hy “shin guards”
aan….ek weet nie wat is die Afrikaans daarvoor nie. In elk geval, dit beskerm sy bene. Hulle dra ook spesiale skoene vir die sokker
spelery.
Nou ja, terug na die hede….
Ons het eergister (Vrydag) teruggekom van ons vakansie in Kauai. Dit is een van die Hawaiise eilande wat ons
besoek het. Hier is ‘n kaart van die
eiland. Die geskryf is bietjie klein,
maar ons het op Princeville by die “Ka’Eo Kai oord in Pahio” gebly. Dit is Noord op die kaart. Ons het 8 Augustus gevlieg van San Jose na Los
Angeles en toe direk na Lihue lughawe op Kauai.
Die vlug van Los Angeles na Kauai was 5 ure en 47 minute gewees.
Die eiland is nie baie groot nie, ons het in
die tyd wat ons daar was die hele eiland deurgery van eenkant na die anderkant
en dit het ons so 3 ure geneem. Ek het
altyd gewonder hoe dit daar gaan lyk, en of die strande regtig so mooi is as
wat hulle sę. Ek was heel verbaas
gewees….dit lyk presies soos op al die poskaarte! Die see is helder blou en die strande is mooi
skoon. Die weer was heerlik gewees, met
‘n hoë humiditeit wat dit net lekker gemaak het om in die see te swem. Die foto op die vorige bladsy is van ons
kamer af geneem. Kyk net daai mooi blou
see in die agtergrond. Regs is ‘n foto
van die oord waar ons gebly het. Ons het
‘n lekker groot kamer gehad met al die fasiliteite van ‘n klein woonstel. Ons het baie goed gedoen in die tyd wat ons
daar was.
Sondag het ons besluit om ‘n toer te doen wat een van die baie
toeriste plekke aanbied. Dit het bestaan
uit ‘n hele dag toer, waar ons dan vir 30 minute met ‘n helikopter oor ‘n deel
van die eiland vlieg, ‘n uur se bootrit na die Varing grotte en die res van die
tyd het ons met ‘n bussie die gewildste plekke besoek. Dit was ongelooflik, ek dink veral die
helikopter vlug was die hoogtepunt van ons besoek gewees. Hier het Neels ons afgeneem in die
helicopter. Christo was vreeslik in sy
skik met die helikopter en het elke oomblik geniet. Ek het so baie foto’s geneem en ek het so min
plek in my briefie…. nou sal ek bietjie selektief moet kies en keur.
Ons het die mooiste watervalle gesien. Een van die plekke wat ons gesien het, was
die plek waar dit die meeste reën op aarde.
Dit is die “Mt. Waialeale” berg en die 3400’ voet waterval
Namolokama. Neels het die foto regs uit
die helikopter geneem. Dit is ‘n paar
van die baie watervalle wat ons gesien het.
Soos julle kan sien het ons in die wolke gevlieg…letterlik en figuurlik!
J
Na die helikopter vlug het ons die bekende vuurtoring Kilauea
gaan besoek. Daar is ook ‘n voëlpark wat
mens kan besoek. Dit was nou maar
eenmaal net ongelooflik. Die voëls wat ons gesien het was baie en regtig
mooi. Selfs die plantegroei op die
eiland is fantasties. Ek het die foto
van die vuurtoring verklein. Op die
voorgrond is Christo en Wiekus, maar hulle is bietjie klein. Soos julle kan sien was dit bewolk gewees,
maar dit het ons gladnie gepla nie. Soos
die mense sę, jy wag net 5 minute dan reën dit gou-gou en dan is dit klaar vir
die dag! Soos ek sę ons het die Varing
grot ook besoek op die toer. Ons het
met die Wailua rivier opgevaar met die boot, dit was ‘n stappie terug in die
verlede van Kauai. Op die boot het die
inwoners ons ook vermaak met ‘n bietjie “Hula” danse. Ons was almal moeg na die lekker dag
uitstappie gewees!
Ons
het ook lekker gaan swem by die see terwyl ons daar was. Ek dink die wonderlikste vir my was toe ons
gaan snorkel het. Ons het by die
“Tunnels” strand gaan snorkel in die rif en wat my stomgeslaan het, is dat mens
saam met die visse swem. Ek meen, dis
nie sommer net ‘n tuna vissie nie, dit is al hierdie eksotiese visse. Van die visse wat ons gesien het was die
“Spotted Boxfish”, Saddle Wrasse en die Moorish Idol (Die name is van links na
regs.)
Nou ja, ek moet seker die enigste foto insit van hoe ons gelyk
het met ons snorkel toerusting aan.
Neels het die foto geneem, so hy is nie op die foto nie, maar ek en die
kinders is wel. Ek is nie baie mal
daaroor dat ek in my swemklere op ‘n foto is nie, maar ten minste kan julle ‘n
idee kry van hoe ons gelyk het! Die
tweede keer toe ons gaan snorkel het, het ons nie vir die kinders padda voete
gekry nie. Hulle het sommer aan my of
Neels vasgehou en dan het hulle saam met ons geswem. Christo was so snaaks, hy het so opgewonde
geraak, dat hy wil praat met die snorkel in sy mond. Dit het so snaaks geklink!
Ons het ander strande ook besoek. Ek dink nie ons was by elke strand nie, maar
ons het wel by die meeste uitgekom. Al
die strande is nie snorkel strande nie.
Daar is swem strande ook. Wiekus het
dit die meeste geniet, en hy het ure in die sand gespeel. Die foto’s wat ek insit is van “voor” en “na”
swem. Dit was so oulik, hulle speel
hulle harte uit en toe ons in die kar klim, toe slaap altwee ‘n hond uit ‘n bos
uit. Soos julle kan sien het Christo dit
nie gemaak met die regopsit en slaap nie, hy het sommer omgeval!
Een van die tradisionele items wat ons bygewoon het was ‘n
Luau. Almal het vir ons gesę dat dit een
van die moet goed is wat ‘n mens moet doen.
Dit het ons bietjie blootstelling gegee aan die inwoners se
kultuur. Ons het na die Gaylords Luau
gegaan aan die suide kant van die eiland.
Dit het die aand 6 uur begin tot laat…ons het nie so laat gebly nie, vir
die kinders se onthalwe. Die inwoners
maak ‘n vark gaar in ‘n oond onder die grond.
Dit het die hele dag gevat om die vark gaar te kry, maar dit was
heerlik. Daar was baie mense gewees, en
terwyl ons gewag het vir ons beurt om kos te kry het die inwoners ons ook
vermaak met regte Hawaiise danse.
Daar is nog baie goed wat ek nie kan inkry op my briefie nie, my plek op is! Ek moet nou maar afsluit. Ons het ‘n baie lekker vakansie gehad en ons sal dit graag weer eendag wil doen. Ons het moeg maar gelukkig by die huis gekom.
Ek hoop dit gaan goed met julle almal.